Klabu ya Yanga iko kwenye hatua za mwisho kuachana na mshambuliaji Laurindo Aurelio 'Depu', imefahamika.
Yanga imefikia uamuzi wa kuachana na Depu baada ya kukamilisha usajili wa washambuliaji wa kigeni Cheikh Ibrahima Toure na Peter Shalulile.
Aidha baada ya Yanga kumsajili beki wa kati Farouk Komara, usajili wake unafanya Yanga iwe na wachezaji 13 wa kigeni.
Depu kutua Petro Atletico
Yanga imemruhusu Depu kufanya mazungumzo na klabu ya Petro Atletico ya Angola ambayo imeonyesha nia ya kumuhitaji.
Kama makubaliano yatafikiwa ni wazi Yanga itamruhusu Depu ajiunge na waajiri wake hao wa zamani taarifa za ndani zikibainisha kuwa watamnunua kwa dau linaloweza kufikia hadi Tsh Bilioni 1.3
Taarifa zaidi imebainisha kuwa AS FAR inayonolewa na kocha wa zamani wa Yanga Pedro Goncalves nayo imeulizia upatikanaji wake.
Goncalves ndiye aliyefanikisha usajili wa Depu kujiunga na mabingwa hao wa soka Tanzania Bara kwenye usajili wa dirisha dogo.
