Klabu ya Yanga inatarajiwa kuingia sokoni kusaka kiungo mkabaji baada ya kuachana na mpango wa kumsajili kiungo Mohamed Damaro Camaro aliyetua dirisha dogo kwa mkopo akitokea klabu ya Singida BS.
Damaro amewatumikia Wananchi kwa miezi 6 lakini ni wazi uamuzi wa kumruhusu arejee Singida BS umefikiwa kutokana na mahitaji makubwa ya Yanga kuboresha eneo hilo.
Rais wa Yanga Injinia Hersi Said jana aliahidi maboresho makubwa katika dirisha hili la usajili linalotarajiwa kufunguliwa karibuni.
Akizungumza jana baada ya shamrashamra za ubingwa wa tano mfululizo, Hersi alisema msimu uliopita waliyumba kidogo kutokana na baadhi ya sajili kushindwa kungia kikosini.
Hersi amewaahidi Wanayanga kuwa wanakwenda kufanya maboresho makubwa ili kuhakikisha msimu ujao wanarejesha mataji yote yaliyopotea msimu huu.
