Aliyekuwa Mkurugenzi wa ufundi wa Yanga SC, Paul Matthews, amerejea rasmi nchini Afrika Kusini baada ya kutangazwa kuwa Sporting Director mpya wa klabu ya Marumo Gallants kuelekea maandalizi ya msimu wa 2026/27.
Matthews anaondoka Yanga baada ya kuhudumu kwa msimu mmoja, ambapo alikuwa na jukumu la kusimamia masuala ya kiufundi ya klabu, ikiwemo mipango ya maendeleo ya kikosi, usajili wa wachezaji pamoja na ukuzaji wa vipaji vya vijana.
Kabla ya kujiunga na Yanga mwaka 2025, Matthews alikuwa miongoni mwa wataalamu waliokuwa na heshima kubwa katika soka la Afrika Kusini.
Aliwahi kufanya kazi katika klabu za SuperSport United, AmaTuks, Jomo Cosmos na Tembisa Classic, akijenga sifa kupitia uwezo wake wa kutambua vipaji, kusimamia usajili wa wachezaji na kuweka mifumo ya maendeleo ya vijana.
Akiwa Yanga, Matthews alikuwa sehemu ya maboresho ya idara ya ufundi na usajili, akifanya kazi kwa karibu na uongozi wa klabu katika kuhakikisha kikosi kinakuwa na ushindani mkubwa kwenye mashindano ya ndani na kimataifa.
Amesimamia kuanzishwa mradi wa Shule ya soka ya Yanga ambapo kwa sasa vijana wameendelea kuandaliwa kwenye Shukle
Kuondoka kwa Matthews kunamaanisha Yanga italazimika kutafuta mbadala wa nafasi hiyo muhimu katika kipindi hiki ambacho ligi imemalizika.
