Kocha Nasreddine Nabi amejiunga rasmi na klabu ya Raja CA akichukua nafasi ya Fadlu Davids kocha wa zamani wa Simba aliyefutwa kazi na timu hiyo.
Baada ya mafanikio makubwa aliyopata akiwa na Yanga, Nabi ameendelea kuaminiwa hii ikiwa klabu ya tatu kujiunga nayo tangu alipoondoka Yanga.
Nabi pia amezifundisha klabu ya AS FAR na Kaizer Chiefs ambayo aliachana nayo mwanzoni mwa msimu huu kutokana na matatizo ya kifamilia.
Kulikuwa na taarifa kuwa Nabi alikuwa miongoni mwa makocha ambao Yanga iliwaweka katika mipango yake kuchukua nafasi iliyoachwa na Pedro Goncalves.
Bado Yanga inaendelea na msako wa kocha mpya huku kamati husika ikiendelea kupitia CV za makocha wengine.
Kocha mpya wa Yanga atafahamika pale msimu huu utakapomalizika. Kwa sasa uongozi wa Yanga umeweka nguvu katika kumaliza msimu vyema na kutetea mataji mawili yaliyosalia yaani ligi kuu na kombe la CRDB.
