Yanga yaweka rekodi ya kibabe mechi za nyumbani Ligi Kuu

Wakati ligi kuu ya NBC ikielekea ukingoni, Yanga imeendeleza rekodi yake nzuri uwanja wa KMC Complex.

Katika mechi 13 ambazo Yanga imecheza nyumbani mpaka sasa, Wananchi wameshinda mechi 12 na kutoka sare mechi moja.

Mabao 43 yamefungwa huku wakiruhusu mabao matatu tu. Wastani wa kushinda mechi nyumbani ni zaidi ya asilimia 92.

Katika mechi tano zilizobaki, mbili zitapigwa nyumbani na tatu ugenini. Mechi za nyumbani ni dhidi ya Azam Fc na TRA United wakati mechi za ugenini ni dhidi ya Fountain Gate, Mashujaa Fc na JKT Tanzania.