Leo Yanga itashuka uwanja wa KMC Complex kuikabili Namungo Fc katika mchezo wa kukamilisha raundi ya 25 ligi kuu ya NBC.
Yanga inahitaji kushinda mchezo huu, hesabu za Wananchi zikiwa kurejea kileleni mwa msimamo wa ligi.
Baada ya mchezo huu kutakuwa na takribani wiki tatu za mapumziko kupisha mechi za kalenda ya FIFA.
Ni wazi matokeo tofauti na ushindi kwa Yanga yanaweza kuwaweka Wananchi kwenye wakati mgumu dhidi ya watani zao Simba na hapa ndipo umuhimu wa mchezo huu unakuja.
Ni mechi ambayo kuna watu wanapambana 'nyuma ya pazia' kuhakikisha Wananchi wanadondosha alama.
Hata hivyo Yanga imejipambanua mara nyingi msimu huu hata katika nyakati ambazo mashambulizi yalikuwa mengi nje ya uwanja.
Mara ya mwisho Yanga na Namungo Fc zilipokutana Ruangwa, Lindi alikuwa ni Laurindo Aurelio 'Depu' aliyewapa furaha Wananchi kwa kufunga bao pekee lililoihakikishia Yanga ushindi wa bao 1-0.
Leo tena mashabiki wa Yanga wana matarajio ya kuiona timu yao ikiondoka na ushindi mnono KMC Complex
