Mabingwa wa soka Tanzania Bara Yanga wanatajwa kumfuatilia kwa karibu kiungo mshambuliaji wa Azam FC Idd Suleiman 'Nado' ambaye amekuwa "moto" msimu huu.
Inelezwa Yanga inaongoza mbio za kumnasa mchezaji huyo ambaye mkataba wake na Azam FC unaelekea ukiongoni akiwa bado hajasaini mkataba mpya.
Kwa mujibu wa taarifa za ndani ya mchakato wa usajili, Yanga tayari wameanza mawasiliano na wasimamizi wa mchezaji huyo ambaye pia yuko kwenye kikosi cha timu ya Taifa.
Nado (30) amekuwa katika kiwango bora msimu wa 2025/2026 akiwa miongoni mwa wachezaji muhimu ndani ya Azam FC.
Takwimu zake zinaonyesha mchango mkubwa akihusika kwenye mabao 11, akifunga mabao 8 na kutoa pasi 3 za mabao.
Uwezo wake wa kucheza pembeni, kupiga krosi maridhawa na kushambulia kwa kasi umeifanya Azam FC kunufaika naye katika michezo mingi ya ligi.
Kwa upande wa Yanga SC, Nado anaonekana kama chaguo muhimu katika mpango wao wa kuongeza nguvu kwenye winga, hasa kutokana na uzoefu wake ndani ya Ligi Kuu ya NBC na uthabiti wake katika msimu huu.
Akiwa mchezaji wa ndani, Nado anaweza kuiongezea Yanga upana wa kikosi kwani Wananchi watakuwa na nafasi nyingine ya kusajili winga mwingine wa kigeni.
