Kocha Mkuu wa Yanga Abdilhamid Moalin amesema kikosi chake kiko tayari kwa mchezo wa ligi kuu dhidi ya Coastal Union ambao utpigwa kesho Jumamosi, May 09 katika uwanja wa KMC Complex.
Akizungumza katika mkutano na wanahabar kuelekea mchezo huo, Moalin amesema vijana wake wako tayari, leo wakitarajiwa kukamilisha maandalizi yao ya mwisho.
Moalin amesema wanahitaji kushinda mchezo huo hivyo wachezaji wake watakwenda kuipambania nembo ya Yanga na kuhakikisha wanaondoka na alama tatu.
"Tunafahamu umuhimu wa mchezo huu kwetu, jambo jema zaidi ni kuwa wachezaji wetu wanafahamu matarajio ya mashabiki wetu."
"Tunahitaji kutetea taji la ligi kuu lakini malengo yetu tunayaelekeza kwenye mchezo ulio mbele yetu, kuchukua alama tatu."
"Yanga ni timu kubwa, tumechukua ubingwa wa ligi kuu kwa misimu minne mfululizo, hivyo tunapoingia uwanjani lazima tuonyeshe ukubwa huo."
"Nawahakikishia mashabiki waa Yanga kesho watarajie kuona timu yao ikishambulia kwa muda mwingi, tunataka kumiliki mchezo na kuwapa wakati mgumu wapinzani wetu kwa muda wote wa mchezo," alisema Moalin
