Joto la kuelekea mchezo wa ligi kuu, Kariakoo Derby linaendelea kupanda ambapo taarifa zisizo na shaka ni kuwa mchezo huo utakaopigwa May 03, utachezeshwa na waamuzi kutoka nchini Morocco.
Inaelezwa Shirikisho la soka nchini Morocco lilipokea maombi kutoka TFF ambapo Shirikisho hilo limeteuwa waamuzi wa kusimamia mtanange huo unaotarajiwa kuwa na upinzani mkali.
Kwa muhibu wa taarifa, mwamuzi wa kati atakuwa Hamza El Faruq, akisaidiwa na waamuzi wasaidizi Hamza En Nassri pamoja na Lassene Azkawi, wote wakitoka Morocco.
Mchezo huo wa watani wa jadi unatarajiwa kuchezwa Jumapili, Mei 3, katika Uwanja wa Meja Jenerali Isamuhyo Stadium uliopo Mbweni, Dar es Salaam, kuanzia saa 12 jioni.
Huu ni mchezo wenye uzito mkubwa si tu kwa mashabiki bali pia katika mbio za NBC Premier League, ambapo kila timu inahitaji alama tatu muhimu.
