Maandalizi ya nusu fainali Muungano Cup

Baada ya kuifumua Muembe Makumbi mabao 4-0 hapo jana na kukata tiketi ya nusu fainali ya kombe la Muungano, kikosi cha Yanga kimerejea mazoezini kwa ajili ya maandalizi ya mchezo unaofuata hatua ya nusu fainali.

Yanga inamsubiri mshindi wa mchezo wa robo fainali ya pili kati ya KVZ dhidi ya Azam Fc utakaopigwa leo.

Mkufunzi wa Yanga Pedro Goncalves leo aliwapa wachezaji wake program maalum ya 'kupoza miili' kwa wachezaji waliotumika jana huku wengine ambao hawakutumika wakifanya program tofauti ya mazoezi.