Kikosi cha Yanga leo kimejifua uwanja wa KMC Complex yakiwa sehemu ya maandalizi kabla ya kuelekea visiwani Zanzibar kushiriki kombe la Muungano.
Yanga inatarajiwa kuondoka jijini Dar es salaam kuelekea Zanzibari siku ya Jumapili tayari kutetea taji lao walilotwaa msimu huu.
Mashindano ya Kombe la Muungano 2026 yanatarajiwa kuanza Aprili 21 hadi 29 yakishirikisha jumla ya timu nane kutoka Tanzania Bara na Zanzibar.
Kwa mujibu wa taarifa za waandaaji, michezo yote itafanyika katika Uwanja wa New Amaan Complex, Unguja, huku mashindano hayo yakilenga kuimarisha mshikamano wa kitaifa kupitia michezo pamoja na kukuza vipaji vya soka.
Timu zinazotarajiwa kushiriki kutoka Tanzania Bara ni Yanga, Simba, Azam FC na Singida Black Stars, wakati upande wa Zanzibar utawakilishwa na KVZ FC, Mlandege FC, Mafunzo SC na Muembe Makumbi City.
