Baada ya kuingamiza Pamba Jiji kule Mwanza katika mchezo uliopita wa ligi kuu, nyota wa Yanga Mudathir Yahya na Allan Okello wanatarajiwa kuwa sehemu ya kikosi kitakachoikabili Mbeya City hapo kesho katika mchezo wa ligi kuu ya NBC.
Mudathir amekuwa na msimu bora mpaka sasa akiongoza orodha ya vinara wa mabao kwenye kikosi cha Yanga akiweka kambani mabao 7.
Ushirikiano wake na Okello umeanza kuwa tishio kwa timu pinzani kwani wawili hao pamoja wamehusika kwenye mabao matatu katika mechi mbili zilizopita.
Mchezo dhidi ya Pamba Jiji Mudathir alifunga mabao mawili yote pasi zikitoka kwa Okello ambaye siku hiyo aliondoka na hat-trik ya asisti kwani pia alitoa pasi ya bao la tatu lililofungwa na Maxi Nzengeli.
Okello sasa amefikisha asisti 4 kwenye ligi huku pia akifunga mabao mawii.
Okello alianza taratibu majukumu yake ndani ya kikosi cha Yanga lakini sasa ni kama ameshazoea mazingira na anaonyesha uwezo wake halisi.
Yanga inahitaji ushindi dhidi ya Mbeya City ili iendelee kujiimarisha kileleni mwa msimamo wa ligi kabla ya mchezo dhidi ya watani zao Simba utakaopigwa May 03 dimba la Benjamin Mkapa.
