Meneja wa Habari na Mawasiliano wa Yanga Ali Kamwe amesema maandalizi ya mchezo wa ligi kuu dhidi ya Mbeya City utakaopigwa Alhamisi April 16 uwanja wa KMC Complex yanaendelea kwa tahadhari kubwa.
Kamwe amesema wanatambua mchezo dhidi ya Mbeya City hautakuwa mwepesi wakiwa na kumbukumbu ya matokeo ya mchezo wa duru ya kwanza uliopigwa uwanja wa Sokoine ambao ulimalizika kwa matokeo ya suluhu ya bila kufungana.
"Hatukuondoka na pointi tatu kwenye mchezo wa kwanza sasa tunarudi KMC Complex tukiwa nyumbani, dhamira yetu ni kuona tunafanya vizuri zaidi."
"Sasa tuko raundi ya pili, ligi imeshachanganya, dhamira yetu sasa imebadilika, sio kumfunga Mbeya City tu, bali kuwa na mwendelezo mzuri ili kuhakikisha tunatetea ubingwa wetu kwa mara ya tano mfululizo"
"Ni dhamira hiyo ambayo itatufanya sisi Yanga tuende kwenye mchezo huo tukiwa na ari kubwa, tutacheza kwa kujituma na kujitolea ili kuhakikisha tunashinda na kuendelea kujiweka katika nafasi nzuri kwenye mbio za ubingwa," alisema Kamwe
Yanga ilirejea mazoezini jana kukamilisha maandalizi ya mchezo huo ambao ushindi kwa Wananchi utaendelea kuwaweka juu ya msimamo wa ligi kw tofauti kubwa ya alama.
