Inaelezwa klabu ya Yanga imeanza mchakato wa kumnasa kiungo wa Azam Fc raia wa Ghana, James Akaminko ambaye mkataba wake unaelekea ukiongoni.
Hii haitakuwa mara ya kwanza Yanga kujaribu kumnasa Akaminko ambaye licha ya mkataba wake kuelekea mwishoni, bado hajasaini mkataba mpya.
Wakati wa sakata la usajili wa Feisal Salum kwenda Azam Fc, Yanga ilituma ofa kuwataka Akaminko na Kipre Junior ambaye kwa sasa anaitumikia klabu ya MC Alger.
Kwa nyakati zote Azam Fc haijawa tayari kumuachia Akaminko lakini wakati huu mambo yanaweza kuwa tofauti kwa kuwa mchezaji mwenyewe ameonyesha utayari wa kuondoka klabu hiyo aliyoitumikia kwa misimu minne.
Kama Yanga itafanikiwa kumnasa Akaminko, ni wazi itaachana 'mzima' na kiungo Moussa Balla Conte ambaye ametolewa kwa mkopo klabu ya Raja CA.
Yanga pia inatarajiwa kumsajili moja kwa moja kiungo mzawa Mohamed Damaro Camara ambaye kwa sasa anawatumikia mabingwa hao wa nchi kwa mkopo akitokea klabu ya Singida BS.
