Kikosi cha Yanga leo kinaelekea jijini Mwanza tayari kwa mchezo wa ligi kuu dhidi ya Pamba Jiji uliopangwa kupigwa Jumatano, April 08 katika uwanja wa CCM Kirumba.
Katika mchezo huo huenda Yanga ikaendelea kumkosa mshambuliaji wake Laurindo Aurelio 'Depu' ambaye bado anaendelea kuimarika baada ya kupona majeraha.
Depu na mshambuliaji mwenzake Prince Dube walikosa mchezo uliopita dhidi ya Tanzania Prisons licha ya kuwa tayari wameanza mazoezini.
Wakati Dube akiwa uwezekano wa kurejea kuikabili Pamba Jiji, Depu anatarajiwa kukosekana katika mchezo huo na pengine huenda akarejea katika mchezo wa kombe la CRDB dhidi ya TMA ambao utapigwa April 11.
Meneja wa Habari na Mawasiliano wa Yanga Ali Kamwe amesema Depu bado hajawa fit kwa asilimia 100
Yanga inazihitaji alama zote tatu dhidi ya Pamba Jiji ili kuendelea kujiimarisha kileleni na kuweka hai malengo ya kutetea ubingwa kwa msimu wa tano mfululizo.
