Baada ya kucheza mechi 12 kwenye ligi kuu ya NBC mpaka sasa, Yanga inaongoza msimamo ikiwa na alama 32 lakini pia wananchi wanaongoza katika takwimu nyingine za mabao ya kufunga na timu iliyoruhusu mabao machache zaidi.
Mabao 30 yametumbukia kweny nyavu za timu pinzani huku wakiruhusu mabao mawili tu kutikisa nyavu zao.
Prince Dube anaongoza orodha ya vinara wa mabao kwenye kikosi cha Yanga akiwa amefunga mabao 6, akifuatiwa na Laurindo Aurelio aliyeweka kambani mabao 5.
Licha ya kuanza msimu kwa kusuasua kutokana na changamoto za majeraha, Mudathir ameendeleza rekodi yake ya kuzifumania nyavu kama afanyavyo kila msimu jana akifikisha mabao 4 baada ya kufunga kwenye ushindi wa Yanga wa mabao 3-0 dhidi ya Singida BS.
Maxi Nzengeli, Mohamed Hussein na Andy Boyeli (amehama) kila mmoja amefunga mabao 2 wakati Celestin Ecua (JSK), Duke Abuya, Damaro, Shehan, Okello na Kouma kila mmoja akiweka kambani bao 1.
Yanga na Azam Fc ndio timu pekee ambazo hazijapoteza mchezo kwenye ligi mpaka sasa zikitarajiwa kuchuana katika mchezo wa dabi ya Mzizima, March 15.
