Yanga safarini Ruangwa

Kikosi cha Yanga kimeondoka jijini Dar es salaam leo Jumamosi kuelekea Ruangwa, Lindi tayari kwa mchezo wa ligi kuu dhidi ya Namungo Fc utakaopigwa kesho Jumapili.

Yanga imeondoka Dar kwa ndege ya kukodi ambapo baada ya mchezo hapo kesho watarejea Dar kuwahi mechi nyingine dhidi ya JKT Tanzania itakayopigwa Jumatano, Februari 25 katika uwanja wa KMC Complex.

Msafara ulioelekea Ruangwa umejumuisha wachezaji 23, benchi la ufundi na baadhi ya viongozi.

Baada ya kuhitimisha majukumu ya Kimataifa, Yanga imerejea kikamilifu kwenye mashindano ya ndani malengo yakiwa kutetea mataji yote waliyotwaa msimu uliopita.