Daktari wa Yanga Moses Etutu amesema mshambuliaji Pacome Zouzoua anaendelea vizuri baada ya changamoto aliyoipata kwenye mchezo wa ligi ya mabingwa dhidi ya JS Kabylie uliopigwa visiwani Zanzibar na Yanga kuibuka na ushindi wa mabao 3-0.
Etutu amesema nyota huyo raia wa Ivory Coast alipata changamoto ya bega baada ya kugongana na mlinda lango wa JS Kabylie.
Kwa sasa amepewa mapumziko ya siku chache kabla ya kurejea uwanjani kuendelea na majukumu yake.
"Pacome alipata shida baada ya kugongana na mlinda lango wa JS Kabylie lakini kwa sasa anaendelea vizuri."
"Amepewa muda tu wa kupumzika ili ajiweke sawa kabla kurejea tena uwanjani kuendelea na majukumu yake," alisema Etutu.
Leo Yanga itashuka uwanja wa KMC Complex kuikabili Cosmopolitan katika mchezo wa hatua ya 64 bora kombe la CRDB.
Ni wazi Pacome hatakuwa sehemu ya kikosi kitakachoshuka dimbani lakini anaweza kuwa tayari kurejea pale Yanga itakaposafiri Lindi kuikabili Namungo Fc Februari 22 na hata mchezo dhidi ya JKT Tanzania Februari 25.
Bila shaka Pacome atakuwa imara pale Yanga itakapoikaribisha Simba kwenye mchezo namba 54 NBC PL utakaopigwa March 1, New Amaan Complex Zanzibar
