Matumaini ya timu kutoka Tanzania kucheza robo fainali ya michuano ya ligi ya mabingwa (CAFCL), yamebaki mikononi mwa Yanga baada ya Simba kutupwa nje kwenye michuano hiyo.
Matokeo ya sare ya mabao 2-2 waliyopata dhidi ya Esperance leo yamefuta rasmi ndoto yao ya kuwania tiketi ya robo fainali kwani hata wakishinda mechi mbili zilizobaki watafikisha alama 7 ambao Esperance na Petro Atletico wanaweza kuvuka.
Yanga imebaki na jukumu kubwa la kuisaka tiketi ya robo fainali ili kuendelea kupeperusha vyema bendera ya Tanzania katika ligi ya mabingwa msimu huu.
Mchezo unaofuata kwa Yanga ni dhidi ya AS FAR ukitarajiwa kupigwa Jumamosi, Februari 07 huko Morocco. Kama Yanga itashinda mchezo huu ugenini, Wananchi wanaweza kufuzu robo fainali mapema.
Wakati makundi ya CAFCL yalipopangwa, wengi waliipa Yanga nafasi ndogo ya kufanya vyema lakini mpaka sasa ni Yanga inayoonekana kubeba matumaini ya Tanzania.
