Yanga Princess dimbani dhidi ya JKT Queens leo

Ligi Kuu ya Wanawake inaendelea leo ambapo kinadada wa Yanga Princess watakuwa uwanja wa Azam Complex kuikabili JKT Queens.

Huu ni mchezo ambao Yanga Princess itahitaji ushindi ili kuendelea kusalia katika mbio za ubingwa.

Yanga Princess ilipoteza mchezo dhidi ya Simba Queens, hivyo haipaswi kupoteza dhidi ya JKT Queens kwani kipigo sio tu kitawaondoa katika nafasi ya pili lakini pia kitapunguza nafasi yao katika mbio za ubingwa.

Msimu huu Yanga Princess imeimarika zaidi ikishinda mechi sita kati ya saba walizocheza mpaka sasa kwenye ligi.

Wako nyuma ya vinara wa ligi hiyo Simba Queens kwa tofauti ya alama 1, wakiwa na alama 18.