Wakati hatma ya kiungo Moussa Balla Conte ikiwa mikononi mwa uongozi wa Yanga, Kocha Mkuu wa mabingwa hao wa Tanzania Bara Pedro Goncalves amembadilishia majukumu.
Katika michuano ya kombe la Mapinduzi inayoendelea visiwani Zanzibar, Goncalves anamtumia Conte eneo la beki wa kati.
Kwenye mchezo wa nusu fainali dhidi ya Singida BS, Conte alicheza kwa dakika zote 90 eneo la beki wa kati akishirikiana vyema na Frank Assink.
Goncalves alionekana kuvutiwa na umahiri wa Conte eneo hilo na pengine huenda akamtumia tena katika mchezo wa fainali dhidi ya Azam Fc.
Baada ya usajili wa Mohamed Damaro Camara, ni wazi nafasi ya Conte katika eneo la kiungo ni finyu huku kukiwa na taarifa uongozi umefanya mazungumzo nae ili atolewe kwa mkopo.
Hata hivyo kumekuwa na mvutano kwani Conte ametaka mkataba wake usitishwe ili aondoke akiwa mchezaji huru.
