Wachezaji Clement Mzize na Mudathir Yahya wanakaribia kurejea kwenye kikosi cha Yanga baada ya afya zao kuimarika.
Meneja wa Habari na Mawasiliano wa Yanga Ali Kamwe amethibitisha kuwa nyota hao wameanza mazoezi ya timu wakielekea kurejea rasmi kikosini.
Mudathir na Mzize waliuanza msimu kwa kusuasua wakiandamwa na majeraha ya mara kwa mara.
Mzize alilazimika kufanyiwa upasuaji wa goti kufuatia majeraha aliyopata wakati akiwa kwenye majukumu ya timu ya Taifa katika michuano ya CHAN 2024 na kisha kujitonesha tena wakati Yanga ikijiandaa na mchezo wa ligi ya mabingwa dhidi ya Silver Strikers.
Nyota hao huenda wakawa tayari kuikabili Al Ahly katika mchezo wa raundi ya tatu kundi B ligi ya mabingwa barani Afrika.
Al Ahly na Yanga zitaumana katika mchezo utakaopigwa Januari 23 huko Misri kabla ya timu hizo kurudiana visiwani Zanzibar.
