Shirikisho la soka barani Afrika (CAF) limethibitisha ratiba ya mechi za raundi ya tatu hatua ya makundi ya michuano ya ligi ya mabingwa barani Afrika (CAFCL).
Yanga iliyo kundi B pamoja na klabu za Al Ahly, AS FAR na JS Kabylie, Ijumaa ya Januari 23 itakuwa Misri kuumana na mabingwa wa kihistoria wa michuano hiyo Al Ahly.
Mchezo huo unatarajiwa kupigwa saa 1 usiku kwa saa za Tanzania. Timu hizo zitachuana tena wiki moja baadae visiwani Zanzibar.
Ni dakika 180 za jasho na damu kwa Yanga zinazoweza kuamua hatma ya Yanga kufuzu hatua ya robo fainali.
Yanga inahitaji kuchukua angalau alama tatu kutoka kwa wababe hao wa soka Afrika ili kujiweka katika mazingira mazuri ya kufuzu robo fainali.
ADVERTISE HERE
