Leo ni Derby ya Kariakoo ya kinadada, Yanga Princess ikiwa mwenyeji wa Simba Queens katika mchezo utakaopigwa saa 12 jioni kwenye uwanja wa Azam Complex.
Baada ya misimu mitatu ya kujenga timu, unaweza kusema Yanga Princess sasa wamejipata, wakianza vyema msimu kwa kushinda mechi zote nne walizocheza.
Dhamira ya kulitaka taji la ligi ya Wanawake (WPL) inapaswa ianze kuonekana leo kwa kushinda dhidi ya Simba Queens, moja ya washindani wakuu katika mbio za ubingwa.
Unapozungumzia ligi ya Wanawake utazitaja JKT Queens na Simba Queens zilijimikisha ligi hiyo kwa misimu kadhaa lakini msimu huu Yanga Princess imeonyesha mapema inataka kumaliza umalkia wa timu hizo.
Mashabiki wa Yanga wameaswa kujitokeza kwa wingi dimba la Azam Complex kuishangilia Yanga Princess katika mchezo huo ambao hautakuwa na kiingilio.
