Inaelezwa Rais wa Yanga Injinia Hersi Said ametua pale Uganda kuiwania saini ya kiungo mshambuliaji wa Vipers Fc, Allan Okello.
Katika mapendekezo ya maboresho ya kikosi cha Yanga, Kocha Pedro Goncalves amehitaji kuongezewa nguvu eneo la kiungo cha ushambuliaji, Okello akionekana kuwa mchezajaji sahihi katika eneo hilo.
Okello amekuwa mchezaji muhimu katika kikosi cha Vipers na timu ya Taifa ya Uganda miezi michache iliyopita akin'gara katika michuano ya CHAN 2024 iliyofanyika nchi za Kenya, Uganda na Tanzania.
Okello anaweza kuwa mbadala sahihi wa Stephane Aziz Ki ambaye tangu kuondoka nafasi yake inaonekana kuwa wazi licha ya usajili wa Mohammed Doumbia ambaye bado unaweza kusema hajafikia matarajio ya wengi.
Endapo Yanga inafanikisha usajili wake basi itakuwa imepata mchezaji ambaye anaweza kutimiza vyema majukumu ya kutengeneza nafasi na hata mwenyewe kufunga.
