Mlinzi wa kulia wa Yanga Yao Kouassi tayari ameanza kufanya mazoezi ya timu ikiwa ni dalili njema kuelekea urejeo wake kikosini pale dirisha dogo litakapofunguliwa Januari 1.
Licha ya taarifa ya kitabibu kuonyesha anapaswa kurejea dimbani mwishoni mwa Januari 2026, maendelea yake yametoa matumaini mapya.
"Yao ameanza kufanya mazoezi ya utimamu wa mwili baada ya kuwa amekamilisha program yake ya matibabu."
"Tayari ameanza kuchanganyika na timu ikiwa ni ishara kuwa mchezaji ameshaimarika na anaweza kutumika."
"Ratiba ya daktari ilionyesha tusubiri hadi mwishoni mwa Januari au mwanzoni mwa Februari ndio tuanze kumtumia, lakini tunavyomuona sasa hivi anavyochanganyika na wenzake na anavyocheza tunaona kama yuko tayari," alisema Afisa Habari wa Yanga Ali Kamwe.
Aidha mshambuliaji Clement Mzize yeye anaendelea na program maalum ya mazoezi tiba ambapo katika kipindi cha wiki mbili anatarajiwa kuanza mazoezi mepesi
