Mechi mbili zimetosha kumhakikishia nafasi kwenye kikosi cha Yanga beki wa kati Frank Assink anayewatumikia Wananchi kwa mkopo akitokea klabu ya Singida Black Stars.
Mkufunzi wa Yanga Pedro Goncalves alimpa nafasi Assink kwenye mechi mbili za ligi zilizopita dhidi ya Fountain Gate na Coastal Union akicheza dakika zote 90 kwenye kila mchezo.
Umahiri alioonyesha katika mechi hizo sio tu umemkosha Goncalves, hata mashabiki wa Yanga wameonyesha kufurahia kile walichoshuhudia kutoka kwake.
Ni wazi sasa Assink ataendelea kusalia na pengine benchi la ufundi litalazimika kupendekeza jina la nyota mwingine wa kigeni likatwe ili kumrejesha Yao Kouassi ambaye tayari yuko fit kwa asilimia 100 baada ya kupona majeraha.
ADVERTISE HERE
