Kiungo wa Yanga Mudathir Yahya sio miongoni mwa wachezaji waliosafiri na kikosi cha timu ya Taifa ya Tanzania 'Taifa Stars' kuelekea Misri kwenye maandalizi ya michuano ya Afcon 2025 itakayoanza mwishoni mwa mwezi huu huko Morocco.
Mudathir alijumuishwa kwenye kikosi cha awali hata hivyo jina lake limeenguliwa kutokana na changamoto ya majeraha inayomsumbua.
Licha ya kuitumikia Yanga katika mechi za karibuni, Mudathir alicheza akiwa na majeraha na huenda akahitaji upasuaji wa goti.
Katika kikosi kilichosafiri Misri nyota wa Yanga waliojumuishwa kwenye kikosi hicho ni Mohamed Hussein, Bakari Mwamnyeto, Dickson Job na Ibrahim Bacca.
Tanzania imepangwa kundi C pamoja na Nigeria, Tunisia na Uganda. Mechi ya kwanza watacheza Disemba 23 dhidi ya Nigeria saa 2:30 usiku
