Kikosi cha Yanga kimeondoka jijini Dar es salaam leo Jumamosi Disemba 06 kwa usafiri wa treni kuelekea mkoani Dodoma ambako wanakabiliwa na mchezo wa ligi kuu dhidi ya Coastal Union ambao utapigwa kesho Jumapili katika uwanja wa Jamhuri.
Meneja wa Habari na Mawasiliano wa Yanga Ali Kamwe amesema baada ya kuwasili mkoani Dodoma watakuwa na muda wa kupumzika na kisha kuhitimisha maandalizi yao katika dimba la Jamhuri.
Kamwe amewataka mashabiki wa Yanga kujitokeza kwa wingi hapo kesho kuiunga mkono timu yao katika mchezo wa mwisho kwa mwaka huu 2025.
"Huu ni mchezo wetu wa mwisho kwa mwaka huu 2025 hivyo nawaomba mashabiki wetu wajitokeze kwa wingi kutuunga mkono"
"Ligi itasimama kwa mwezi mmoja na hatutapenda ligi isimame tukiwa tumepoteza mchezo wowote hivyo malengo tuliyojiwekea ni kushinda mchezo huo"
"Wachezaji wetu wako tayari, tulikuwa na changamoto ya 'fartique' katika mchezo uliopita lakini siku hizi mbili naamini zimetosha kufanya 'recovery' na tutarajie kuiona Yanga bora zaidi siku ya Jumapili," alisema Kamwe
