Chama cha Vilabu Afrika (ACA) kimetangaza rasmi uzinduzi wa fomu za uanachama, ambazo sasa zinapatikana kwa vilabu vyote katika nchi 54 wanachama wa CAF.
Vilabu vyote vya Ligi Kuu na Daraja la Kwanza vina haki ya kujisajili, kupata namba rasmi ya uanachama wa ACA na kunufaika na haki na faida zote za mwanachama.
Ada ya uanachama kwa mwaka imetajwa kuwa Dola 1,000. Mwenyekiti wa ACA, Eng. Hersi Said, anaendelea kuongoza dhamira madhubuti ya kujenga jukwaa moja lenye nguvu litakalolinda maslahi ya vilabu, kukuza viwango vya kiutawala na kitaaluma na kuimarisha sauti ya vilabu vya Afrika katika anga la soka la kimataifa.
Hii ni hatua muhimu kuelekea kuboresha na kuendeleza uendeshaji wa vilabu barani Afrika, na kuhakikisha vinachukua nafasi yao sahihi katika maendeleo ya soka duniani.
Vilabu vinahimizwa kujisajili na kushiriki kikamilifu katika kuunda mustakabali wa soka la Afrika.
