Baada ya takribani misimu miwili, leo Jumatano, Yanga inarudi uwanja wa Benjamin Mkapa kucheza mechi ya ligi kuu dhidi ya Pamba Jiji
Meneja wa Habari na Mawasiliano klabu ya Yanga Ali Kamwe amewataka mashabiki kujitokeza kwa wingi katika mchezo huo wa kwanza msimu ili kuhakikisha wanaanza vyema mkakati wa kutetea taji la ligi kuu kwa msimu mwingine
Kamwe amewataka Wananchi walipe viingilio vyao mapema kwani leo watapata fursa ya kuwaona wachezaji wao wote na benchi la ufundi lililokamilika chini ya kocha Romain Folz
"Huu sio mchezo wa kwanza wa ligi tu kwa Yanga, bali ni mchezo wa ufunguzi wa msimu wa ligi kuu 2025/26 kati ya Yanga dhidi ya Pamba Jiji utapigwa pale uwanja wa Benjamin Mkapa"
"Pamba Jiji ni timu ambayo imejiimarisha kulinganisha na msimu uliopita, ni timu yenye vijana wengi wenye uwezo na walipata sare katika mchezo wao uliopita ugenini dhidi ya Namungo Fc"
"Lakini sisi dhamira yetu ni kuona tunaanza vyema msimu kwa kupata ushindi dhidi ya Pamba Jiji," alisema Kamwe
