Wiliete wafuta viingilio mchezo dhidi ya Yanga

Kesho Ijumaa, Septemba 19 mchezo wa hatua ya awali ligi ya mabingwa barani Afrika kati ya Wiliete Sc dhidi ya Yanga utapigwa dimba la Novemba 11, saa 12 jioni

Sasa wenyeji wa mchezo huo, Wiliete Sc wamefuta viingilio wakitangaza mashabiki kuingia bure

Hii ni mara ya kwanza kwa Wiliete Sc kushiriki mashindano ya CAF, klabu hiyo ikiwa na takribani miaka 7 tu tangu ilipoanzishwa

Uwanja wa Novemba 11 unachukua takribani mashabiki 48,500, wenyeji wanajaribu kujaza dimba hilo ingawa sio timu kubwa inayofahamika sana nchini Angola

Msimu uliopita Wiliete Sc walimaliza nafasi ya pili kwenye msimamo wa ligi nyuma ya Petro Atletico na kujihakikishia tiketi ya kucheza ligi ya mabingwa kwa mara ya kwanza