Baada ya kufunga bao pekee la ushindi katika mchezo wa kilele cha Wiki ya Mwananchi dhidi ya Bandari Fc juzi, kiungo mshambuliaji wa Yanga Ecua Celestin amepania kuendeleza makali yake katika mchezo unaofuata dhidi ya Simba
Kesho Jumanne, Septemba 16, Yanga na Simba zitachuana katika mchezo wa Ngao ya Jamii ambao utapigwa uwanja wa Benjamin Mkapa
Ecua aliyepachikwa jina la utani 'Duduwasha', amesema dhamira yake ni kuwapa furaha mashabiki wa Yanga kwa kufunga mabao kila anapopata nafasi
Ecua aliwashukuru mashabiki waliojitokeza kwa wingi katika kilele cha wiki ya Mwananchi huku akifichua alitamani kucheza kwa dakika zote 90 lakini anafahamu ilikuwa mechi ambayo kila mchezaji alistahili kucheza
"Nilitaka kumuomba kocha niendelee kuwa uwanjani, lakini niliona umuhimu wa wenzangu kucheza. Bahati nzuri nilikuwa nimefunga bao kwenye mechi yangu ya kwanza mbele ya mashabiki"
"Nataka kuendelea kufunga na sasa nataka kuendelea kufunga hata kwenye mechi ijayo ili kuendeleza furaha ya mashabiki wa Yanga ambao wameonyesha mapenzi yao kwa timu," alisema Equa
Ecua ameifungia Yanga mabao matatu katika mechi zote za kirafiki ambazo Yanga imecheza kwenye pre-season
Bila shaka kocha Romain Folz atamjumuisha katika kikosi chake kitakachoanza dhidi ya Simba hapo kesho akitarajiwa kuungana na mastaa wengine akiwemo Pacome Zouzoua
