Yanga imehitimisha shamrashamra za wiki ya Wananchi kibabe wakiichapa Bandari Fc bao 1-0 katika mchezo uliopigwa uwanja wa Benjamin Mkapa
Siku iliyosheheni kila aina ya burudani ikafika tamati kwa mchezo huo ambao ulishuhudia kiungo mshambuliaji Celestin Equa akifunga bao pekee la ushindi katika dakika ya 3 akimalizia krosi ya Prince Dube
Ulikuwa mchezo wa vipindi viwili tofauti mkufunzi wa Yanga Romain Folz akitumia vikosi viwili tofauti katika kila kipindi
Yanga ilitawala na kucheza kwa kasi kubwa pengine ilistahili kupata ushindi mnono kwa kuzingatia nafasi walizopoteza hasa katika kipindi cha kwanza
Unaweza kusema Wananchi leo wameonjeshwa radha ya kile watakachokishuhudia msimu huu, pengine chakula kamili watakipata katika mchezo wa Ngao ya Jamii dhidi ya Simba Septemba 12
Folz leo alipumzisha baadhi ya nyota wake muhimu kama Pacome Zouzoua na Clement Mzize ambao hawakutumika kabisa wakati nyota wengine wapya Equa, Kouma, Assink, Moussa Balla Conte, Mohammed Doumbia, Chikola, Boyeli wakipata dakika za kuonyesha kile walichonacho
