Kocha Mkuu wa Yanga Romain Folz anaendelea kukiandaa kikosi chake kuelekea Yanga Day, Septemba 12 katika uwanja wa Benjamin Mkapa
Jana Yanga ilicheza mechi ya kirafiki dhidi ya JKT Tanzania na kuibuka na ushindi wa mabao 2-1, mchezo uliopigwa dimba la Isamuhyo
Licha ya kuwakosa wachezaji 11 ambao wako katika majukumu ya timu za Taifa, Yanga imeendeleza rekodi ya ushindi katika mechi za kirafiki
Huo ulikuwa mchezo wa nne Yanga inashinda baada ya pia kuzifunga Rayon Sports (3-1), Fountain Gate (2-1) na Tabora United (4-0)
Wachezaji walioitwa katika timu za taifa ni kipa Diarra Djigui (Mali), Mohammed Hussein ‘Tshabalala’, Dickson Job, Ibrahim Bacca, Mudathir Yahya, Edmund John na Clement Mzize waliopo katika timu ya taifa ya Tanzania, Taifa Stars, ambayo usiku wa jana walikuwa ugenini dhidi Congo Brazzaville katika mchezo uliomalizika kwa matokeo ya sare ya bao 1-1
Wengine ni, Lassine Kouma na Celestin Ecua waliopo Chad, Balla Moussa Conte katika kikosi cha Guinea na Duke Abuya timu ya Taifa ya Kenya
Moja ya sababu iliyopelekea Yanga kupelekea kilele cha wiki ya Mwananchi Septemba 12 ni pamoja na kuzingatia kalenda ya FIFA ambapo mechi za kuwania kufuzu kombe la Dunia zitamalizika Septemba 09
Nyota walio katika majukumu ya timu za Taifa watakuwa na muda wa kuwahi Tamasha hilo la Wananchi
