Klabu ya Yanga leo inatarajiwa kukamilisha malipo ya Serikali (kodi) ili kupatiwa umiliki wa eneo la ujenzi wa uwanja ambalo ltakuwa takribani mita 37,500, imefahamika
Klabu ya Yanga iliomba kuongezewa eneo lenye urefu wa mita za mraba 2000 ambapo Serikali iliridhia ombi hilo na kilichokuwa kinasubiriwa ni kukamilika kwa taratibu nyingine kabla ya Yanga kukabidhiwa eneo lao
Kikao cha Kamati ya Utendaji ya Yanga kilichofanyika jijini Dar es salaam hivi karibun, kilijadili mchakati huo na kuidhinisha malipo hayo
Baada ya malipo hayo Yanga itaweka mawe ya alama za umiliki wa eneo hilo, ambapo baada ya hapo zitabaki taratibu za ndani ya klabu hiyo kuanza mchakato wa ujenzi.
"Kila kitu kipo sawa, kuna malipo ambayo yatafanyika Jumatatu (leo), yakishafanyika hayo sasa tutakuwa tunamiliki rasmi eneo la ukubwa wa skwea mita 37,500 ambalo sasa litatutosha kabisa kwa ujenzi"
"Nadhani kila kitu baada ya malipo hayo kitatangazwa katika mkutano mkuu ambao utafanyika wikiendi ijayo, " mmoja wa viongozi waandamizi wa Yanga alinukuliwa na Mwanaspoti
Mdhamini wa Yanga, GSM atasimamia ujenzi huo wa uwanja ambao utachukua takribani mashabiki 30,000
