Shirikisho la Mpira wa Miguu Tanzania (TFF) limethibitisha kuwa mchezo wa Ngao ya Jamii kuzindua msimu 2025/26 utapigwa Septemba 16 katika uwanja wa Benjamin Mkapa
Mchezo huo utazikutanisha klabu za Yanga na Simba. Ni baada ya mabadiliko ya kanuni ambayo yamepelekea mfumo wa Ngao ya Jamii kurejeshwa katika utaratibu wa zamani ambao bingwa wa ligi kuu anachuana na bingwa wa kombe la CRDB
Lakini ikitokea mataji yote yamechukuliwa na timu moja, Ngao ya Jamii itakutanisha bingwa wa ligi kuu na timu iliyoshika nafasi ya pili kwenye ligi
Yanga ilitwaa mataji yote mawili msimu uliopita hivyo itachuana na watani zao Simba walioshika nafasi ya pili kwenye ligi kuu ya NBC
Mabadiliko hayo yametokana na changamoto ya ratiba kutokana na Tanzania kuandaa michuano ya CHAN itakayofika tamati August 30 na kufuatiwa na kalenda ya michuano ya CAF
