Ikangalombo aibukia AS Vita

Aliyekuwa winga wa Yanga Jonathan Ikangalombo amerejea DR Congo ambapo jana alionekana akijifua na timu yake ya zamani, AS Vita

Nyota huyo bado hajasajiliwa na Vita lakini kuna uwezekano mkubwa akajiunga na waajiri wake hao wa zamani

Klabu ya Yanga imemtaarifu winga huyo kuwa hawana mpango wa kuendelea nae msimu ujao

Mchakato wa kumalizana nae unaendelea baada ya nyota huyo kugomea mpango wa kutolewa kwa mkopo

Ikangalombo alitua Yanga mwezi Januari mwaka huu katika usajili wa dirisha dogo lakini ilimchukua takribani miezi mitatu kuanza kuonekana katika kikosi cha kwanza

Hata hivyo kiwango chake hakikuwashawishi mabosi wa Yanga na kuamua kusitisha mkataba wake wa miaka miwili