Mtaalam wa mazoezi ya viungo Chyna Mokaila leo aliwapeleka wachezaji wa Yanga ufukweni ikiwa ni program maalum ya mazoezi ya kujenga utimamu wa mwili
Akiwa katika wiki ya pili ya pre-season, Chyna ameendelea kuwajengea wachezaji 'fitness' na pumza tayari kwa mikiki mikiki ya msimu ujao wa mashindano 2025/26
Chyna amesema mazoezi ya ufukweni ni maalum kuimarisha utimamu wa miili ya wachezaji wake na kuwaweka tayari kucheza dakika 90 au zaidi na pia kuwaepusha na majeraha
"Lengo kuu la mazoezi haya ni kuimarisha fitness ya wachezaji wetu, unajua wametoka kwenye mapumziko 'off-season' sasa lazima tuitoe miili yao katika hali ya mapumziko na kuwaweka tayari kucheza dakika 90 au zaidi pasipo kupata majeraha"
"Nina kawaida ya kuwapeleka gym nyakati kama hizi lakini leo nimechagua kuwapa mazingira tofauti ili kuona kwa kiasi gani wanaweza kuhimili mazoezi ya mchangani"
"Yanga ni timu kubwa hivyo ni lazima kila mmoja ajitoe kwa asilimia 100, nafurahi kufanya kazi na kundi hili la wachezaji ambao wanajituma na kutimiza vyema majukumu yao," alisema Chyna
Yanga ilirejea mazoezini jana baada ya mchezo dhidi ya Rayon Sports Ijumaa iliyopita ambao Yanga ilishinda kwa mabao 3-1 na kutwaa taji la Rayon Day huko Rwanda
Kumekuwa na angalau 'session' mbili za mazoezi kwa siku ambapo asubuhi yanafanyika mazoezi kuimarisha utimamu wa mwili na jioni mazoezi ya mbinu uwanjani
