Yanga kutambulisha nyota mpya Rwanda

Katika 'kunogesha' Tamasha la RAYON SPORTS DAY, klabu ya Yanga ikiwa nchini Rwanda, leo itatambulisha usajili wa mchezaji mpya

Meneja wa Habari na Mawasiliano wa Yanga Ali Kamwe amesema nyota huyo ni sehemu ya kikosi ambacho kilitua Rwanda usiku wa juzi, saa 1 usiku wakitarajiwa kushuka dimba la Amahoro kumenyana na Rayon

Winga Edmund John ndiye anayetajwa kusubiri utambulisho baada ya kukamilisha usajili akitokea klabu ya Singida Black Stars

Edmund alisafiri na kikosi cha Yanga Rwanda na pengine leo ataonekana 'mbashara' akiwa kikosini baada ya utambulisho wake

Nyota huyo anatajwa kuchukua nafasi ya mshambuliaji Clement Mzize ambaye anakamilisha uhamisho wake wa kujiunga na Esperance, mabingwa wa Tunisia