Burudani kwa Wananchi iko tayari Rwanda

Leo Ijumaa majira ya saa 1 usiku, Yanga itashuka uwanja wa Amahoro huko Rwanda kuikabili Rayon Sports katika mchezo wa Kimataifa wa kirafiki

Yanga imeitikia mualiko wa wenyeji wao hao ambao wanazindua msimu 'RAYON DAY'

Kikosi cha Yanga kilitua Rwanda juzi usiku ambapo jana walifanya matukio mbalimbali ya kijamii na mwishoni wakapata nafasi ya kufanya mazoezi yao ya mwisho

Yanga ni timu pendwa Rwanda, dimba la Amahoro leo linatarajiwa kuwa 'full-house' kuwashuhudia Wananchi katika mchezo huo ambao msingi wake ni kudumisha mahusiano mazuri kati ya Yanga na Rayon