Licha ya kuhusishwa na klabu ya Singida Black Stars, kiungo Khalid Aucho amevunja ukimya akiweka bayana kuwa hatacheza timu nyingine Tanzania baada ya kufunga ukurasa wake na Yanga
Aucho amesema hataki kuvunja uhusiano mwema kati yake na klabu ya Yanga ambayo amekiri imempa thamani ya kipekee
"Nashukuru Sana kwa kupewa tuzo na Yanga, kwangu mimi ni faraja kuona wamethamini nguvu ambayo nimeitoa kwa kipindi chote nipo Yanga"
"Kwangu mimi Yanga ni sehemu ya familia, ni sehemu ya maisha yangu, wameshakuwa ndugu zangu na daima niraturudi hapa"
"Siwezi kuonekana nikicheza Tanzania naondoka naenda mbali, naenda mbali sana na hapa," alisema Aucho
Juzi Rais wa Yanga Injinia Hersi Said alimkabidhi Aucho tuzo maalum ya kutambua mchango wake katika misimu minne ya kuitumikia Yanga
Aucho amepewa nafasi ya kurejea kuitumikia Yanga katika majukumu mengine pale atakastaafu kucheza soka
