Klabu ya Yanga leo imepanga kuanza kutoa taarifa za maboresho ya kikosi ambapo itaanza na wachezaji ambao haitokuwa nao kwa msimu ujao wa mashindano.
Meneja wa Habari na Mawasiliano wa Yanga, Ali Kamwe, amesema tayari amekabidhiwa faili la wachezaji wanaotakiwa kuondoka ili kupisha wachezaji wengine, watakaobaki na wale ambao wamesajiliwa kwa msimu uja
"Tayari nimepokea ripoti ya maboresho ya kikosi chetu kuelekea msimu ujao. Ripoti imegawanyika, kuna wachezaji ambao mikataba yao imeisha, mwalimu kasema hawa tuwafungulie milango waende, pili kuna wachezaji ambao tumewaongeza mikataba, wapo tuliovunja nao mikataba na wale ambao tumewapa mikataba mipya"
"Kwa hiyo nikianza kutoa ripoti nitaanza kuchagua nianze wapi, nipige kwenye utosi, au nianze kupunguza watu," alisema Kamwe
Aidha Kamwe, amebainisha kuwa waliamua kumtambulisha mpema kiungo Moussa Balla Conte ili kuichangamsha nchi, huku akiwaambia mashabiki wa soka kuwa usajili wake wala si mkubwa kama wengi wanavyodhani, kwani wapo wengine zaidi yake
Katika wachezaji watakaoagwa ni pamoja na mshambuliaji Kennedy Musonda ambaye tayari ameelekea Israel baada ya mkataba wake kumalizika
Nyota wengine ambao huenda wasiwe sehemu ya kikosi cha Yanga msimu ujao ni pamoja na Clatous Chama, Jonas Mkude, Farid Mussa, Aziz Andabwile, Khalid Aucho na Jonathan Ikangalombo ambaye huenda akatolewa kwa mkopo
