Klabu ya Yanga, wiki ijayo itamtambulisha kocha wake mpya ambaye anakwenda kuchukua mikoba iliyoachwa na Miloud Hamdi aliyejiunga na Ismailia baada ya kuingoza Yanga kutwaa mataji matatu kati ya matano ambayo Wananchi walitwaa msimu huu
Meneja wa Habari na Mawasiliano wa Yanga Ali Kamwe amesema taratibu zote kumuhusu kocha huyo zimekamilika na siku ya Jumatano au Alhamisi watamtangaza
"Maswali yamekuwa mengi na mashabiki wana shauku kubwa ya kutaka kumfahamu kocha wetu ni nani?"
"Sasa niwaambie mashabiki na Wanachama wa Yanga, siku ya Jumatano au Alhamis tutamtangaza kocha wetu mkuu," alisema Kamwe
Jina la aliyekuwa Kocha Msaidizi wa Mamelodi Sundowns, Romain Folz ndio linatajwa zaidi kurithi mikoba ya Hamdi
Folz mwenye umri wa miaka 35 anarudi katika soka la ushindani baada ya msimu uliopita kuitumikia Olympique Akbou ya Algeria ambapo aliisaidia klabu hiyo kubaki ligi kuu katika mechi nane za mwisho
