Rais wa Yanga Injinia Hersi Said amewahakikishia Wanachama na Mashabiki wa timu hiyo kuwa katika dirisha hili la usajili lililofunguliwa Julai 1, wamefanya usajili bora zaidi pengine kuliko wakati mwingine wowote
Hersi ametoa kauli hiyo Kigamboni leo baada ya kushiriki mechi ya hisani Kigamboni All Stars
Mwenyekiti huyo wa umoja wa klabu barani Afrika (ACA) amewataka Wananchi watulie wakati wakikamilisha michakato hiyo ya usajili lakini amewahakikishia pale watakapoanza kutambulisha wachezaji hao, watathibitisha kauli yake
"Usajili wa msimu huu utakuwa ni usajili bora zaidi katika usajili tulizowahi kuzifanya katika miaka miaka ya hivi karibuni"
"Nawasihi wana Yanga wawe watulivu tukianza kutambulisha wataelewa hiki ninachozingumza, " alisema Hersi
Mpaka sasa Yanga inaonekana 'kukimbiza' katika dirisha la usajili ikitajwa kuzinasa saini za nyota mahiri kutoka klabu mbalimbali
Yanga huenda ikaanza kutambulisha wachezaji wapya kuanza wiki ijayo, kabla ya kuanza maandalizi ya pre-season mwishoni mwa mwezi huu
