Winga Mcongoman Jonathan Ikangalombo anatajwa kuwa miongoni mwa wachezaji ambao Yanga imepanga kuwatoa kwa mkopo katika dirisha hili la usajili lililofunguliwa tangu Julai 1 na likitarajiwa kufungwa Septemba 07
Akiwa ameitumikia Yanga kwa takribani miezi sita tu, Ikangalombo ameshindwa kupenya katika kikosi cha kwanza
Wakati anasajiliwa na mabingwa hao wa kihistoria, Ikangalombo alisaini mkataba wa miaka miwili na nusu hivyo bado ana mkataba wa miaka miwili
Inaelezwa wawakilishi wa mchezaji huyo wamegomea mpango wa Yanga kumtoa kwa mkopo wakishinika mkataba wake uvunjwe ili akatafute changamoto mpya katika timu nyingine
Mpaka wakati nyota huyo anaondoka nchini kurejea kwao DR Congo kwa ajili ya mapumziko, hakukuwa na mazungumzo yoyote baina yake na Yanga kuhusu hatma yake
Ni wazi katika kipindi cha wiki mbili kabla ya wachezaji kuanza kurejea tayari kuanza pre-season, hatma yake itakuwa imefahamika
Tangu atuje Yanga, Ikangalombo amecheza mechi sita za Ligi Kuu akitumia dakika 136 akiasisti mara mbili, bila kufunga bao
Katika Kombe la Shirikisho (FA) alifunga bao moja katika hatua ya 16 Bora katika mchezo dhidi ya Songea United Yanga ikiibuka na ushindi wa mabao 2-0
