Mpaka sasa ni wachezaji wawili wa kigeni ambao wamethibitishwa kuondoka Yanga na nafasi zao zitazibwa katika dirisha hili la usajili lililofunguliwa Julai 1
Mshambuliaji Kennedy Musonda tayari ametimkia Urusi huku Stephane Aziz Ki akijiunga na klabu ya Wydad CA ya Morocco
Katika wachezaji 12 wa kigeni ambao Yanga ilisajili msimu uliopita, nyota 10 bado wana nafasi ya kuendelea kuitumikia Yanga au kuachwa kwa kuzingatia mahitaji ya timu kuelekea msimu ujao
Mlinda lango Djigui Diarra, walinzi Chadrack Boka na Yao Kouassi, viungo Khalid Aucho, Duke Abuya, Maxi Nzengeli, Clatous Chama, Pacome Zouazoua na washambuliaji Prince Dube na Jonathan Ikangalombo
Diarra, Boka, Ikangalombo na Dube bado wana mikataba wakati Yao, Aucho, Duke, Maxi, Chama na Pacome mikataba yao imemalizika
Mpaka sasa taarifa kutoka ndani ya uongozi wa Yanga imebainisha kuwa klabu tayari imewaongeza mikataba Pacome, Maxi, Aucho huku Duke nae akitarajiwa kusaini mkataba wakati wowote
Yao pia ameongezewa mkataba wa mwaka mmoja lakini bado haijafahamika kama atajumuishwa katika usajili au la kwa kuwa bado ni majeruhi
Katika dirisha hili Yanga inaweza kuongeza wachezaji wanne hadi watano wa kigeni, ili kufanikisha italazimika kukata majina mawili ili kupata nafasi nne au majina matatu ili kupata nafasi tano
