Mechi za raundi ya 29 na 30 kupigwa muda mmoja

Ili kuhakikisha hakuna upangaji wa matokeo ya namna yoyote, mechi za ligi kuu ya NBC raundi ya 29 na 30 zitapigwa saa 10 jioni

Mechi zote za raundi ya 29 zitapigwa Jumatano Juni 18 na raundi ya 30 zitapigwa Jumapili Juni 22 2025

Jumatano mabingwa wa nchi Yanga watakuwa Mbeya kumenyana na Tanzania Prisons kisha kuelekea Zanzibar kuikabili Dodoma Jiji siku ya Jumapili katika uwanja wa New Amaan Complex

Wakati timu nyingine zitamaliza msimu Jumapili, Yanga na Simba zitahitimisha msimu siku ya Jumatano, Juni 25 dimba la Benjamin Mkapa kwa mchezo namba 184 kupigwa

Kimahesabu Yanga inahitaji kushinda mechi mbili zinazofuata na angalau kupata hata sare katika mchezo dhidi ya Simba ili kutetea ubingwa kwa msimu wa nne mfululizo