Ni siku tatu zimebaki kuelekea Juni 15 tarehe iliyopangwa kwa mchezo namba 184 ligi kuu ya NBC kati ya Yanga dhidi ya Simba ambao umepelekea kuibuka kwa mgogoro mkubwa katik mpira wa miguu Tanzania Bara
Mechi hiyo ilipaswa kupigwa March 08 lakini Bodi ya ligi iliiahirisha pasipo kufuata kanuni na taratibu za uendeshajii wa soka nchini
Mpaka sasa bado masharti matatu ambayo Yanga wamehitaji yatimizwe ili wacheze mchezo huo, hakuna taarifa kama yameshatimizwa au la
Hakuna kilichobadilika kwa msimamo wa Yanga kama Bodi ya ligi itaendelea na ratiba kama walivyoipanga, watarajie kutoiona Yanga uwanjani siku ya Jumapili
Lakini pia watarajie kutoiona Yanga uwanjani katika mechi nyingine mbili zitakazokuwa zimebaki dhidi ya Tanzania Prisons na Dodoma Jiji
Zaidi Yanga haitashiriki ligi kuu msimu ujao kama masharti hayo hayatatimizwa
Masharti hayo ni kujiuzulu kwa Mtendaji Mkuu wa TPLB na Katibu Mkuu wa TFF pamoja na kuvunjwa kwa Kamati ya saa 72
Kama masharti hayo yatatekelezwa, Yanga itakuwa tayari kucheza mechi namba 184 lakini katika tarehe nyingine tofauti na Juni 15
