Meneja wa Habari na Mawasiliano wa Yanga, Ali Kamwe, amesema kuwa wao ni waungwana na wako tayari kucheza Dabi ya Kariakoo endapo watapewa maelezo ya kina kuhusu sababu za kuahirishwa kwa mchezo namba 184 na Bodi ya Ligi Machi 8 mwaka huu
Kamwe amesema majibu hayo yatawasaidia wanachama wa Yanga kuelewa hali halisi na hivyo kupunguza hali hii ya sintofahamu
Aidha, Kamwe ameongeza kuwa iwapo Klabu ya Simba itaeleza kwanini haikuleta timu uwanjani Machi 8, basi Yanga itakuwa tayari kushiriki mchezo huo utakaopigwa Juni 15, 2025
"Wao wamekimbia mechi March 08, tuko hapa kwa sababu Simba ilikimbia mechi terehe nane, watuambie Machi 08 nani hakuwepo katika timu yao ambaye kaongezeka leo?"
"Kama wachezaji wao wote walkuwepo watuambie kwa nini walikimbia?. Sisi Yanga tunataka majibu kwa nini walikimbia?"
"Kama tutapewa majibu naamini wanachama wetu watatulia. Tunataka majibu kutoka kwa wenye mamlaka au hata Simba wenyewe kama wanaweza kutoka hadharani na kutuambia kwa nini walikimbia Machi 08, sisi ni waungwani tunaweza kubadili mawazo na kucheza mechi ya Juni 15 kama watakiri walikimbia aibu ya kufungwa mara ya tano mfululizo," alisema Kamwe
Wakati Yanga ikisubiri majibu, Mkutano wa viongozi wa Matawi uliofanyika Jangwani jana, Wanachama wameazimia kuitishwa Mkutano wa dharura ili kujadili sakata hilo na kutangaza msimamo rasmi wa Wanachama wa nchi nzima
